EUSKARALDIRAKO AZKEN PRESTAKISUNAK ETA AGENDA

EUSKARALDIRAKO AZKEN PRESTAKISUNAK ETA AGENDA

2018ko Euskaraldia eskina bueltan dugu

Izena emateko epea amaitzear dago, eta posible da txapen bila joatea Euskadi osotik bananduta dauden bulegotara. Pasa den urtean bezala, Centro Fernandoko irakasleak 11 egun honeetan “ahobizi” edo “belarriprest” rolak hartzea erabaki dugu.

Beste alde batetik, Euskaraldia bizitzeko prest dauden pertsona haientzat, Bilboko Euskaltegi guztiak Agenda bateratu bat sortzeko batu dira, Bilbon euskara praktikatzeko aukerak proposatzeko!

8.000 euskaldun

Urtetik urtera 8000 euskara ikasle inguru hurbiltzen dira Bilboko euskaltegietara. Ikasle guzti hauek Euskaraldian izena emateko aukera izango dute.

Jakingo duzuenez euskaraldia, 11 egunetan zehar hizkuntza ohiturak aldatzen laguntzeko ariketa sozial erraldoi bat izango da, eta euskaltegiok, euskaraz irakatsi eta euskal munduari ateak irekitzen dizkiogun eragileak izanik, euskalgintzan dugun protagonismoa baliatu dezakegu ekimen honetan parte hartzen lagundu eta gure babesa adierazteko..

Urte osoan eta urte luzez euskarazko eskaintza zabala antolatzen dugu. Euskara klaseak zein euskaltegietatik kanpoko ekintzak burutzen ditugu eta oraingoan, Euskal Herri osoan egingo dugun dinamika honetan ere parte hartu nahi dugu.

EUSKARALDIA-Bilboko Euskaltegien Agenda bateratua

Gaurko agerraldi honetan kartel hau aurkeztu nahi dugu. Agenda hau, bilbotar guztiontzat sortutako egutegi xume bat  baino besterik ez da. Bilbon euskaraz bizitzeko hautua egin dutenentzat sortua eta euskaltegietatik sortutako euskarazko eskeintzaren erakuslea.

Agenda honetan, urritik abendura bitarte antolaturiko zenbait ekimenen berri emango dugu, baina agertzen direnetaz gain ere, baditugu hilabetero burutzen ditugun hainbat ekintza, euskara kalera atera eta era naturalean Bilboko kaleetan zabaldu asmoz.

Egin dugun kartela, berritzailea ere bada, Bilboko euskaltegi guztiak Euskaraldiaren bultzadarekin batu eta agenda amankomuna atera baitugu. Kartelean egutegiaz gain, euskaltegietako kontaktua azalduko da, gurekin harremanetan jarri ahal izateko.

Bukatzeko, aurtengo azaroaren 23tik abenduaren 3ra, euskaraldian parte hartzera gonbidatu nahi zaituztegu eta euskara 365 egunez kalera ateratzeko deia egin nahi dugu.